Endirimi necə hesablayırıq

Mağazalar tez-tez “köhnə qiymət”i süni şəkildə yüksək yazır. Biz buna etibar etmirik: endirim yalnız məhsulun özünün real qiymət tarixçəsinə görə hesablanır.

Addım-addım

Hər gün 8 Bakı mağazasının (Kontakt, Baku Electronics, İrşad, Elit Optimal, Abu Life, Soliton, Smarton, Digital Home) qiymətləri avtomatik yoxlanılır və tarixçəyə yazılır.
Hər məhsul üçün son 60 gün üzrə hər günün ən aşağı qiyməti götürülür, onların medianı “adi qiymət” sayılır. Median bir neçə günlük qısa qalxıb-enmələrə həssas deyil.
Son 3 gün adi qiymətə daxil edilmir: təzə endirim adi qiyməti özü aşağı salmasın.
Endirim = (adi qiymət − indiki qiymət) ÷ adi qiymət. Mağazanın üstündən xətt çəkilmiş “köhnə qiymətini” nəzərə almırıq.

Siyahıya nə düşür

Endirim ən azı 10% olmalıdır.
Məhsulun ən azı 14 günlük qiymət tarixçəsi olmalıdır; yeni məhsula “endirim” demirik.
Qiymət ən azı 30 ₼, məhsul stokda və qiymət son 36 saatda yoxlanılıb.
60%-dən böyük endirim iki yoxlama ardıcıl saxlanılmasa göstərilmir, 90%-dən böyük endirim səhv sayılır və heç göstərilmir.
Şəkli olmayan məhsullar göstərilmir.

Nümunə

Son 60 gündə məhsulun adi qiyməti 500 ₼ olub, bu gün 400 ₼-dır: endirim 20%, qənaət 100 ₼. Mağaza “köhnə qiymət 800 ₼” yazsa belə, biz 20% göstəririk.

Digər mağazalarda qiymət

Məhsul kartında həmin məhsulun digər mağazalardakı cari qiymətləri ucuzdan bahaya göstərilir. Əgər məhsul yalnız bir mağazada varsa, bu blok görünmür.

Yenilənmə

Siyahı gün ərzində hər 2 saatdan bir yenilənir; qiymətlərin özü mağazalardan gündə 1–2 dəfə götürülür. Qiymət dəyişə bilər, almadan əvvəl mağazada yoxlayın.